АНУ-ын Ерөнхийлөгч Доналд Трамп нисэх хүчний Эндрьюс баазад зочлохдоо сөргөлдөөнтэй байгаа Орос, Украины талтай АНУ-ын засаг захиргаа холбоо тогтоохоор төлөвлөж байгаа тухай мэдэгджээ. Тэрбээр хэлэхдээ “Завгүй долоо хоног өнгөрлөө. Бид Оростой, Украинтай, Израильтай тал бүрээр харьцаж байна. Цаашид Украин, Оросын талуудтай бүхий л түвшинд уулзалт, яриа хэлэлцээ хийнэ. Миний санахад яриа хэлэлцээ маш үр дүнтэй байгааг дурдах нь зүйтэй” гэсэн байна.

АНУ-ын 47 дахь Ерөнхийлөгч Доналд Трамп хоёр дахь бүрэн эрхийнхээ хүрээнд Орос-Украины асуудлыг энхийн замаар шийдвэрлэж, энхийг эрхэмлэсэн Ерөнхийлөгч байна гэдгээ сонгуулийн кампанит ажлын үеэр мэдэгдэж байсан юм.