БНХАУ-ын зах зээлд эрчим хүчний нүүрсний үнэ 2023 оны X сараас хойш одоог хүртэл нийт 25% унаад байна. Мэргэжилтэн, шинжээчид энэхүү уналт ирэх зуныг хүртэл үргэлжилнэ гэж таамаглажээ. Үүнтэй холбоотойгоор импортын эргэлзээ нэмэгдэж, дотоодын зах зээлийн нүүрс олборлогчдод томоохон саад учраад байна.

БНХАУ-ын хойд хэсэгт тодорхой хэмжээнд хүйтэрснээс биш өнгөрсөн өвөл эх газрын хятадад харьцангуй дулаан байсан нь аж үйлдвэрийн салбарын эрэлтийг сулруулсан юм. Он гарснаас хойш нэгдүгээр сард харьцангуй сэргэх хандлага ажиглагдаж байсан ч хоёрдугаар сараас эхлэн эргээд огцом унах болсон юм. Ингэснээр сүүлийн таван долоо хоногт үнэ нь 11% бууран, тонн тутамдаа 114 ам.долларт хүрээд байна.

Манай улсын хувьд коксжих нүүрсний цахим арилжааны идэвх гуравдугаар сард саарлаа. Ингэснээр 2023 оны VIII сараас хойш хамгийн доод түвшинд хүрээд байна. Өнгөрсөн гуравдугаар сарын 29-ний байдлаар Монголын Хөрөнгийн биржээр 1.3 сая тонн коксжих нүүрс цахимаар арилжаалсан нь өмнөх сарын ердөө тал хүрэхгүй хувьтай л дүүх үзүүлэлт юм байна.
Хятадад үүссэн дотоодын үнийн уналт, түүнтэй холбоотой аж үйлдвэрийн салбарын эрэлт сулраад байгаатай холбоотойгоор Хятадын зах зээлд монголын талын нүүрсийг худалдаж авах сулраад байгааг шинжээч нар онцолжээ.