Төмрийн хүдрийн экспортоор дэлхийд тэргүүлдэг Рио Тинто компанид Хятадын эрэлт томоохон сорилт бэрхшээл болж байна. Учир нь БНХАУ-ын эрэлт саарч, зарим уурхайн үйлдвэрлэл зогссонтой холбоотойгоор тус компанийн төмрийн хүдрийн тээвэрлэлт огцом буурчээ. Рио Тинто компани 2024 оны 10-12 сарын сүүл хүртэлх гурван сарын хугацаанд 85.7 сая тонн төмрийн хүдэр экспортолсон нь өмнөх оны мөн үетэй харьцуулахад нэг хувиар буурсан үзүүлэлт юм. Тус компанийн хувьд 2024 оны хамгийн муу гүйцэтгэлтэй салбарын нэг нь төмрийн хүдэр байсан бөгөөд 28 хувиар унасан юм. Гэвч дэлхийн зах зээлд 2024 оны сүүлийн улиралд төмрийн хүдрийн ханш эргэн сэргэх хандлагатай байсан нь тодорхой хэмжээнд эерэгээр нөлөөлжээ.

Рио Тинто компани 2030 он хүртэл төмрийн хүдрийн салбарын өсөлтийг хангахын тулд жил бүр шинэ уурхай ашиглалтад оруулах ёстой гэдгийг өмнө нь мэдэгдэж байсан юм. Ялангуяа Австралийн Пилбара уурхай болон Гвинейн Симандоугийн уурхайн төслүүдий үйлдвэрлэлийг энэ онд эхлүүлэхээр төлөвлөж байна.

Хэдийгээр азийн бусад улс орнуудад гангийн экспорт нэмэгдэж, үйлдвэрлэл нь тодорхой хэмжээнд өссөн ч БНХАУ-ын эдийн засаг, дотоодын нөхцөл байдал савласан хэвээр байлаа. Чухам энэ нь Рио Тинто компанид тодорхой сорилт авчирч байгааг компанийн зүгээс мэдээллээ.