Сөрөг хүчний дэмжлэгээр Ерөнхийлөгчийн суудалд суусан Зоран Миланович өнгөрсөн ням гарагт болсон Хроватын Ерөнхийлөгчийн сонгуулийн дахин санал хураалтаар үнэмлэхгүй ялалт байгуулан бүрэн эрхийн хугацаагаа таван жилээр сунгалаа. З.Миланович нь Европын холбоо болон НАТО-гийн үйл ажиллагаанд шүүмжлэлтэй ханддагаараа алдартай нэгэн юм. Хроватын Сонгуулийн хорооны гаргасан албан ёсны мэдээллээр З.Миланович сонгогчдоос 74%-ийн дэмжлэг авсан бол эрх баригч намын нэр дэвшигч Драган Приморач ердөө 26%-ийн санал авсан байна.

Улс төрийн байр суурийн тухайд Зоран Миланович нь Европын орнуудаас Украинд дэмжлэг үзүүлэхийг буруушаадаг, ОХУ-ын эсрэг дайн явуулж буйг эрс шүүмжилдгээрээ онцлогтой. Мөн шийдэмгий зантай, хатуу үгтэй түүнийг Дональд Трамптай зүйрлэж, “ааш муут” гэж хочлох нь бий. Тэрбээр сонгуулийн албан ёсны дүн гарсны дараа тавьсан илтгэлдээ “Миний ялалт ард түмний Засгийн газарт хүргэх гээд чаддаггүй дуу хоолой биелэлээ олохын дохио боллоо” гэжээ.