Цас, зудын хүнд нөхцөл байдал, зудын гамшгаас хамгаалах үйлсэд зориулж АХБ 2.8 сая ам.долларын буцалтгүй тусламж олгохоор шийдвэрлэлээ.

“Нийт малччин өрхийн 70 орчим хувь нь зудад нэрвэгдэж, 21 аймаг, нийслэлийн дөрвөн дүүргийн сумдын 55 хувь гамшигт нэрвэгдлээ. Малчин өрхүүд амьжиргаагаа алдах эрсдэлтэй тулгарч байна” гэж АХБ-ны Монголын талыг хариуцсан захирал Шеннон Коулин хэллээ.

Ази номхон далайн гамшгийн эсрэг сангаас санхүүжүүлж буй энэхүү буцалтгүй тусламжаар гамшигт өртсөн малчин өрхүүдэд дэмжлэг үзүүлэх, хүнс, түлш, эмнэлэг, аврах тусламжийн иж бүрдэл, аврах хэрэгсэл зэрэгт зориулагдана гэж албан мэдэгдэлд дурджээ. Өчигдөр ОБЕГ-аас гаргасан мэдэгдэлд хаврын улиралд зудтай байсан нутгаар малын жин буурч, төллөх мал ядарч, улмаар малын хорогдол улам нэмэгдэнэ гэдгийг дурдсан юм. НҮБ-ын мэдээллээр 2023 оны 12-р сарын дунд үеэс хойш хугцаанд -40 хэмээс доошилж, 4.7 сая гаруй мал хорогдсон нь нийт малын тоо толгойн 7%-г эзэлж байгааг онцлон дурдсан байна.