Гэмт хэргийн ертөнцөд домог болон мөнхөрсөн Пабло Эксобарын Медиллинийн хар тамхины мафийн гол толгойлогчийн нэг Фабио Очао эрх чөлөөт хүн болжээ. Тэрбээр АНУ-ын шоронд эдлэх ёстой 30 жилээс 25-ыг нь биеэр эдэлсэн тул ийн суллагдаж, эх нутагтаа харьсан гэж Яхоо Ньюз мэдээллээ. Ф.Очао цагдаагийнхан болон цагаачлалын албаныхны хараа хяналт дор өнгөрсөн даваа гарагийн өглөө Колумбын нийслэл Богота хотод газардсан байна. Цагаачлалын албаныхан түүнийг хил дээр нарийвчлан шалгаж, Колумб улсад ямар нэгэн гэмт хэргээр эрэн сурвалжлагдаж байгаа эсэхийг тодруулсны дараа эх оронд нь нэвтрэх зөвшөөрөл олгожээ.

Онгоцны буудал дээр хэвлэлийнхэн Фабио Очаогоос үйлдсэн хэрэгтээ харамсаж буйг нь асуухад “Би бол хэлмэгдсэн хүн” хэмээн хариулжээ. Хар тамхины домогт босс явсан тэрбээр бүтэн долоон жилийн дараа онгоцны буудал дээр охинтой уулзаж, гэр бүлийнхэнтэйгээ амьдрахаар Боготагаас Меделлин тосгоныг зорин явсан гэнэ. Өдгөө 67 настай Фабио Очао нь 1970-1980 онд Пабло Эскобарын АНУ дахь ажлыг зохицуулдаг гол хүний үүрэг гүйцэтгэж, 1987 онд Форбес сэтгүүлийн тэрбумтны жагсаалтанд багтаж явсан аж. Ф.Очао хар тамхины хэргээр 2001 онд баривчлагдаж, АНУ-руу шилжүүлснээр шоронд ял эдэлж эхэлсэн юм байна.