ДС Студиосын ээлжит уран бүтээл Супермэн киноны трейлер Ютүб болон бусад видео сайтад тавигдаж, эхний 24 цагт 250 сая хүн үзэж, шинэ дээд амжилт тогтоосон байна. Энэ нь ДС-гийн түүхэн дэх хамгийн олон хүнд хүрсэн трейлер болж буйгаараа онцлогтой юм. Киног найруулсан Жеймс Ганн сошиал медиагаар дамжуулан хийсэн мэдэгдэлдээ ДС болон Уорнеср Брос хоёулангийнх нь хувьд түүхэн ололт юм гэжээ. Тэрбээр “Крипто биднийг гэрт хүргэлээ” хэмээн трейлер дээр гардаг Супермэнийн үнэнч нөхрийг магтан дуулсан байна.

Супермэний тухай шинэ киноны трейлер ийм өндөр амжилт үзүүлсэн ч Марвелийн “Дээдпүүл ба Волверин”-ийн трейлерийн 365 сая хүн үзсэн амжилтыг гүйцсэнгүй. Мөн цацагдсан эхний 24 цагт хамгийн олон хүнд хүрсэн трейлерээс нэрлэвэл “Joker: Folie à Deux”, “Inside Out 2” кинонууд тус бүр 167, 157 сая хүн үзэж байжээ.

Жеймс Ганнын найруулсан Супермэн кино ирэх оны долоодугаар сарын 11-нд кино театрын цэнхэр дэлгэцээр гарч эхлэх юм байна.