Удахгүй АНУ-ын Ерөнхийлөгчийн тангараг өргөх гэж буй Дональд Трамп өчигдөр ПэйПал олон улсын мөнгөн гуйвуулгын үйлчилгээ үзүүлэг компанийн үүсгэн байгуулагчдын нэг Кен Хауэрийг Дани улсад суух элчин сайдаар томилох үеэр нэгэн сонирхолтой мэдэгдэл хийж, дахиад л олон нийтийн дунд шуугиан тариад амжлаа. Түүний энэ дуулиант мэдэгдэл Гринланд арлын эзэмшлийн асуудлыг хөндсөн бөгөөд АНУ тус арлыг эзэмших нь “туйлын шаардлага”-тай явдал юм гэлээ. Дэлхий дахины Үндэсний аюулгүй байдал ба эрх чөлөөний зорилгоор АНУ Гринланд арлыг эзэмшиж, мэдэлдээ авах туйлын шаардлага тулгараад байна. Манай улсын ашиг сонирхлыг төлөөлөхөд тун чухал үүрэг гүйцэтгэх хүнд Кен яг тохирно гэж Дональд Трамп бичжээ.

Харин үүний хариуд Гринландын Ерөнхий сайд Мюте Эгэдэ эрс татгалзсан хариу өгчээ. Түүний Фэйсбүүк дахь албан ёсны хариу мэдэгдлийг орчуулбал “Гринланд бол манайх. Манайх газраа зарахгүй, хэзээ ч зарах боломжгүй. Бид эрх чөлөөний төлөөх бүтэн жилийн тэмцлээ тавьж туухгүй. Хэдий тийм боловч бидний талаас дэлхийн олон орон, ялангуяа хөрш зэргэлдээ орнуудтай нээлттэй хамтын ажиллагаа, арилжаа худалдаагаа чөлөөтэй үргэлжлүүлнэ.” Гэсэн байв.

Д.Трампын хувьд өмнөх засаг захиргааныхаа үед Гринланд арлыг худалдаж авах санал гаргаж байсан удаатай. Данийн Ерөнхий сайд Метте Фредериксен арлын бие даасан байдлыг хүлээн зөвшөөрч Д.Трампын саналыг утгагүй явдал хэмээн шүүмжилсэн байна.