Онлайн худалдааны Амазон сайтыг мэдэхгүй хүн энэ дэлхий дээр бараг ховор биз. Түүний эзэн, дэлхийн толгой баячуудын нэг Жефф Безос ойрын үед их ууртай байна. Учир нь, саяхан түүнийг сүйт бүсгүй Лорен Санчезтэйгээ гэрлэх гэж байгаа, Аспен хотын орчим дахь 160 акр талбайтай Данбар Ранч эдлэндээ тансаг зэрэглэлийн хурим хийх гэж байгаа бөгөөд гэрлэх ёслолдоо 600 сая ам.доллар зарцуулна гэсэн мэдээлэл гарсантай холбоотой. Тэгвэл олон тэрбумын эзэн Ж.Безос дээрх мэдээлэлд унтууцаж, Иксээр дамжуулан хийсэн мэдэгдэлдээ “Ерөөсөө тийм зүйл байхгүй” хэмээн цуурхалд эрс няцаалт өгсөн байна. Гол нь мэдээ нэрээр тараасан юм бүхнийг уншаад үнэмших хэрэггүй хэмээн Жефф Безос сургааль айлджээ.