Шотландын Гласгоугийн их сургуулийн Вирус судлалын төв АНУ болон Монголын эрдэмтэдтэй хамтран явуулсан судалгаагаараа нэгэн сонирхолтой нээлт хийжээ. АНУ-ын хэмжээнд 2023 оны гуравдугаар сард мал аж ахуйн салбарт шувууны ханиад хурдацтай дэлгэрэхэд өмнө нь ижил төрлийн халдвар гарч байсан азийн мал, амьтдын дунд судалгаа явуулж эхэлсэн байна. Үр дүн нь тун гайхмаар гарсан нь монгол адуу агаар дуслын замаар халдварладаг шувууны ханиаданд дархлаатайг тогтоожээ.

Судлаачид Монгол Улсын шувуу ихтэй хангайн бүс, шувуу багатай говь, хээрийн бүсээс адууны цусны дээж цуглуулж, шинжилж үзсэн байна. Шувууны ханиад нь хөхтөн амьтан, тэр дундаа хүнд халдварлах явдал байдаг ч адуунд халдварласан тохиолдол цөөхөн аж. Шинжилгээний хариуг нэгтгэн үзэхэд монгол адууны цуснаас шувууны ханиадны эсрэг биет илэрсэн нь шинжлэх ухаанд цоо шинэ үзэгдэл боллоо гэдгийг судалгааны хамтарсан багийн эрдэмтэд онцоллоо. Энэ утгаараа монгол адуу шувууны ханиад дэгдсэн үед халдвар авсан ч шинж тэмдэг илэрдэггүй, хөнгөн зэргээр өвчлөөд эдгэрдэг нь судлаачдын сонирхлыг бүр ихээр татжээ.

Адуу ийн шувууны ханиадны эсрэг дархлаатай болсон нь адууны ханиад гэх өвчний нөлөө буюу эрт цагт адуу шувууны ханиадаар өвчилж, эсэргүүцэх чадвартай болсон нь судалгааны явцад харагдсан гэнэ.