Алдарт дуучин Бритни Спийрс уржигдар/2024-12-02/ төрсөн өдөр нь тохиож, 43 нас хүрлээ. Хэдийгээр олон арван хит дуутай, дэлхийн хамгийн алдартай оддын нэг болж явсан түүний амьдрал тийм ч таатай байгаагүй бөгөөд саяхан л аавынхаа асран халамжлалаас гарч эрх чөлөөгөө олсон зүггүй дуучин бүсгүй өөрийнхөөрөө амьдарч эхэлсэн. Тэрбээр төрсөн өдрөөрөө Инстаграмд оруулсан бичлэгээрээ олны анхаарлыг татлаа. Учир нь Бритни Спийрс өөрийгөө таван настай хүүхэд гээд маргаашнаас цэцэрлэгт явж эхэлнэ гэж ярьсан байна. Өмнө нь түүнийг сэтгэцийн өөрчлөлттэй болсон гэсэн яриа тархаж байсан бөгөөд өвчин нь улам хүндэрсэн юм болов уу гэж бодлыг фенүүдийнх нь дунд бий болгож, насанд хүрсэн хүнээс хүүхэд болон хувирсан тухай онлайнаар ярианы сэдэв болж, маргаан өрнүүлээд байна. Мөн тэр цаг үргэлж дагаж, төвөг учруулдаг папарациудын бүдүүлэг үйлдлээс залхаж, Мексик рүү дүрвэсэн гэж ярьжээ. Инстаграмд оруулсан эхний бичлэг дээр Б.Спийрс амны хаалт зүүн нүүрээ нууж, онгоцонд сууж буйг харуулсан учир Мексик рүү зугтсан нь үнэн гэж зарим хүн үзэж байна.