Камилла Беляцкая гэх 24 настай ОХУ-д алдаршиж эхлээд байсан жүжигчин бүсгүй Тайландын Ко Самуйн эрэгт хүчтэй давалгаанд цохиулан далайд татагдан унаж, амиа алдсан харамсалтай хэрэг гарсан талаар тус арлын цагдаагийн газар мэдээллээ. Онлайнаар цацагдсан бичлэгээс харахад загвар өмсөгч, жүжигчин бүсгүй далайн эргийн хавцлын ирмэгт йога хийж байжээ. Гэрчүүдийн мэдээлснээр К.Беляцкая нь ус руу унасны дараа 15 минутийн турш харагдаж байгаад алга болсон гэнэ. Бүсгүйн цогцсыг маргааш/2024-12-03/ нь золгүй явдал тохиолдсон газраас нэг км-ийн зайд Лад Ко гэх жуулчдын ихээр очих дуртай газраас олсон байна.

Иймд орон нутгийн цагдаагийн газар болон аврах албаныхны зүгээс хүчтэй давалгаатай үед далайн эрэгт хэт ойртохгүй байх анхааруулгыг жуулчдад тарааж эхэлжээ.