Он гарснаас хойш эхний 10 сарын байдлаар 65.9 сая тонн нүүрс экспортолсон байна. Ингэснээр өнгөрсөн оны мөн үеэс даруй 26.6 хувиар өсжээ. Монгол Улсын экспортын голлох түүхий эд нь нүүрс хэвээр байна. Зөвхөн 1-10-р сард манай экспортын 55.3 хувийг нүүрс дангаараа эзэлж байгаа юм.

Монгол Улсын Засгийн газар энэ онд 60 сая орчим тонн нүүрс экспортлох зорилт тавьсан ч гүйцэтгэл сайн байгаа тул энэ тоог 75 сая тонн болж нэмэгдүүлсэн байна. Одоогийн гүйцэтгэлийг харвал оны эцэс гэхэд энэ тоонд хүрэх боломжтой байгаа юм.

Өнгөрсөн онд Монгол Улс 66.7 сая тонн нүүрс экспортолж түүхэн дээд амжилт тогтоож байсан билээ.