АНУ, Япон хоёр улс Хятад, Хойд Солонгостой тэмцэхийн тулд сүүлийн 60 жилийн турш хэрэгжиж буй батлан хамгаалах, аюулгүй байдлын гэрээнд өөрчлөлт оруулахаар төлөвлөж байна. Анх энэхүү мэдэллийг Financial Times сэтгүүл эш татан мэдээлжээ. Ирэх сарын 10-нд Японы Ерөнхий сайд Фүмио Кишида АНУ-д айлчилж,улмаар цэргийн командлалын бүтцийн өөрчлөлтийг хэлэлцэх юм. Японы өөрийгөө хамгаалх хүчний штабын даргаар ажиллаж байсан Риоичи Орики хэлэхдээ “АНУ-ын хувьд Япон дахь командлалын бүтцийг бэхжүүлэх тухай хэлэлцэх нь томоохон хүчнүүдийн эсрэг хийж болох хамгийн үр дүнтэй тэмцэл юм” гэжээ.

Батлан  хамгаалах гэрээнд өөрчлөлт оруулсныаар Японд байрлуулсан АНУ-ын цэргийн ангиудын чадавхийг сайжруулах үр дүнтэй аж. Одоогоор энэхүү мэдээлэлд Цагаан ордон, Пентагон, АНУ-ын Энэтхэг-Номхон далайн командлал, Японы өөрийгөө хамгаалах хүчин ямар нэгэн хариу тайлбар хийхээс татгалзжээ.