Олон улсын Улаан загалмай нийгэмлэг Монгол Улсад үүссэн зудын нөхцөл байдал нь яаралтай тусламж шаардлагатай гэдгийг тод харуулж байна гэж мэдэгдлжээ. Олон улсын Улаан загалмай нийгэмлэгийн Зүүн Азийн зөвлөлийн тэргүүн Ольга Жумаева хэлэхдээ “Монгол Улсад энэ өвөл үргэлжилсэн малын хорогдол, хүнсний хомстол олон мянган малчдад шууд нөлөөлж байгаа нь яаралтай тусламж хэрэгтэй гэдгийг тод харуулж байна” гэжээ.

Улаан загалмай нийгэмлэгийн мэдээлснээр энэ жилийн зуднаар 4.7 сая орчим мал хорогдож, 2250 гаруй малчин өрхөд шууд нөлөөлсөн гэж дүгнэжээ. Монгл Улсын 3.3 сая хүн амын 30 хувь нь нүүдлийн мал аж ахуй эрхэлдэг гэсэн НҮБ-ын судалгаа бий. Зудын эрсдэл бий гэдгийг НҮБ болон түүний харьяа байгууллагууд нэгдүгээр сараас онцгойлон анхааруулж байсан юм.
НҮБ-ын Уур амьсгалын байгууллагын судалгаагаар Монгол Улсад сүүлийн 10 жилийн дотор зургаа дахь удаа зуд болсон нь малчдын амьжиргаанд шууд нөлөөлсөн гэж дүгнээд байна.

Аль Зажира агентлагийн нийтлэлээс онцлох хэсгийг эш татан хүргэе:

Уур амьсгалын өөрчлөлт нь Монгол орны дөрвөн улирлын мөчлөгийг тасалдуулж, 2015 оноос ган, зудын давтамж нэмэгдэх болсон гэдгийг НҮБ-ын Монгол дахь суурин зохицуулагч Тапан Мишра өнгөрсөн сард мэдэгдсэн юм. Түүнчлэн малын бэлчээрийн даац нэмэгдссэн нь идэш тэжээл хомстох үндсэн шалтгаан болжээ. Албан ёсны мэдээллээр Монгол Улс 2023 он эцсийн байдлаар 64.7 сая мал тоолуулсан. Хонь, үхэр, адуу, тэмээ, ямаа гэх үндсэн таван хошуу малтай энэ улс сүү, ноос, махын хэрэгцээгээ таван хошуу малаас хангадаг. Өвлийн зуднаар олон малаа зүй бусаар алдсан нь малчин өрхүүдэд шууд нөлөөлсөн гэдгийг Улаан загалмай нийгэмлэгээс мэдэгдсэн юм.

Монголын Улаан загалмай нийгэмлэгийн тэргүүн Н.Болормаа хэлэхдээ “Зудын гамшгийн нөлөөллийг багасгах, өрхүүдийн амьдрал, амьжиргааг урт хугацаанд шийдвэрэлэхд дэмжлэг үзүүлнэ гэж найдаж байгаа" гэсэн юм.  Эцэст нь Ольга Жумаева хэлэхдээ “Эрдэнэт мал сүргээ алдсан ч хахир өвлийн хилэнтэй гайхалтай хүчээр тэмцэж буй олон гэр бүлийн итгэл найдвар, тэсвэр тэвчээрийг харж байна” гэсэн байна.