Ханхүү Харригийн сүүлийн үеийн ярилцлага нь ханхүү Уильямтай эвлэрэхийг улам хүндрүүлж болзошгүй талаар зарим хэвлэл мэдээлжээ. Хааны мэргэжилтний хэлснээр, Сассексийн гүн гэр бүлийн маргааны талаар илэн далангүй ярилцсан нь Уильямын айдсыг улам бүр нэмэгдүүлсэн байна.

Уэльсийн хунтайж Сассекс гэр бүлийнхэн хувийн асуудлаа олон нийтэд ил болгохоос айж байсан бололтой. Тиймээс Харригийн саяхны алхам нь ахтайгаа харилцаагаа засах боломжийг нь улам бүр дордуулсан байж магадгүй гэнэ.

Ханхүү Харри хааны эвлэрлийн талаар олон нийтэд ярьсан нь ханхүү Уильямын айдсыг улам нэмэгдүүлж байна гэж шинжээч үзэж байна. Хааны мэргэжилтн Ричард Фицвильямс Сассекс “Fox News” телевизэд Харригийн ярилцлага хааны гэр бүлийн эвлэрэх боломжийг нэг алхамаар ухрааж магадгүй гэж мэдэгджээ.

Сассексийн гэр бүлийнхэн (Харри, Меган нар) өмнө нь Опра Уинфрид өгсөн дуулиант ярилцлага, “Netflix”-ийн баримтат кино, мөн Харригийн "Spare" (Нөөц) хэмээх дурсамж номондоо хааны гэр бүлийнхнийг хатуу шүүмжилсэн билээ. Үүнээс хойш Харри болон түүний гэр бүлийнхний харилцаа хүйтэрсэн юм. Хэдийгээр тэр Их Британид буцаж ирээд, Хаан Чарльзтай эвлэрсэн ч, Уильямтай харилцаа нь сайжирсан гэж хэлэхэд хэцүү байна.

Одоо Харригийн "GQ" сэтгүүлд өгсөн ярилцлага нь Уэльсийн хунтайж (Уильям) өөрийн дүүдээ хэзээ ч дахин итгэхгүй байж магадгүй гэх бодлыг шинжээчдэд төрүүлээд байна. Түүнчлэн хааны ордон "Харри, Меган хоёрт итгэдэггүй" болохыг онцолсон байна. Үүний зэрэгцээ, ярилцлагатай холбоотой шүүмжлэл гарсны дараа Харригийн хэвлэлийн төлөөлөгч мэдэгдэл гаргажээ.