Нийслэлчүүд хотын захиргаанд хяналт тавих зорилгоор ИТХ-ын 45 төлөөлөгч сонгодог. Гэтэл тэдний 40 орчим нь хотын захиргааны харьяа төрийн өмчит 43 компанид Удирдах зөвлөл, Төлөөлөн удирдах зөвлөлийн гишүүнээр ажиллаж гүйцэтгэх удирдлагад хутгалдаж байна.

Энэ бол хуулиар хориглосон “давхар дээл” биш боловч  олон нийтийн хяналтыг хэрэгжүүлэх үүрэгтэй төлөөлөгч нар өөрсдөө нийслэлээс цалин авч, ашиг сонирхлын зөрчил үүсгэж байгааг анхаарууштай. 

Нийслэлийн ИТХ-ын ажлын албанаас гаргасан албан ёсны мэдээллээр, түүний харьяа орон нутгийн өмчит байгууллагуудын удирдлага  дунджаар 4 сая орчим төгрөгийн цалин авдаг. Харин түүнд хяналт тавих үүрэгтэй  ТУЗ, УЗ-ийн гишүүний цалинг хөдөлмөрийн хөлсний доод хэмжээг хоёр дахин нэмэгдүүлснээс ихгүй байхаар тогтоожээ. Ингээд хотын даргын орлогч болон түүнтэй дүйцэх зохицуулагчаар ажиллаж буй НИТХ-ын төлөөлөгч нарын “давхар дээл”-ийг танилцуулъя.

Эдийн засгийн хөгжил, дэд бүтцийн асуудал хариуцсан нэгдүгээр орлогч, НИТХ-ын төлөөлөгч Б.Мөнхбат
•           “Ус сувгийн удирдах газар” ОНӨААТҮГ,
•           “Сэлбэ хорин минутын хот корпораци” ХХК-иудын ТУЗ-д ажилладаг.


Нийслэлийн Засаг даргын Нийгмийн салбар, ногоон хөгжил болон агаар, орчны бохирдлын асуудал хариуцсан орлогч, НИТХ-ын төлөөлөгч Г.Жаргалсайхан
•           “Геодези, усны барилга байгууламжийн газар” ОНӨААТҮГ, 
•           "Зорчигч тээвэр гурав" ΟΗΘΑΑΤΥΓ-уудын ТУЗ-д ажилладаг.



Нийслэлийн ИТХ-ын төлөөлөгч, Төрийн үйлчилгээний чанар хариуцсан зохицуулагч Б.Сэмжидмаа давхар төрийн өмчит 4 компанийн ТУЗ-д ажилладаг
•           “Орон сууц нийтийн аж ахуйн удирдах газар” ОНӨААТҮГ,
•           “КОП-17 хөрөнгө оруулалт, бүтээн байгуулалтын газар” ОНӨААТҮГ,
•           “Нийслэлийн соёлын төв өргөө” ОНӨААТҮГ,
•           “Зорчигч тээвэр тав” ОНӨААТҮГ
•           “Улаанбаатар түншлэл төв” ОНӨААТҮГ-ын Төлөөлөн удирдах зөвлөлд ажилладаг.