Тэрбээр "Хуультай улсад бол Б.Найдалаа шорон шүү. Эрчим хүчний яам өнөөдөр /2026.09.24/ хэлбэр төдий аукцион зарлаж, сэргээгдэх эрчим хүчний төсөл хэрэгжүүлэгч шалгаруулав. Шалгаруулах юу байхав ялагч нь анхнаасаа тодорхой. Нөгөө л MCS.

Сэргээгдэхийг хямдруулж нэг квт 7.9 цент болж хямдарлаа гэж сурталдаж байна. Гэтэл хураагуургүй системээр уул уурхай байтугай оройн хоол хийх баталгаа байхгүйг жижиг системтэй хэрэглэгчид бүгд мэднэ. Ингээд яваандаа хураагуур нэмэх хэлбэрдэлт аукцион зарлаж таарна. Баримжаагаар багадаа 12 цент болж нэмэгдэнэ. Операцын зардал нүүрсний эх үүсвэрээс дор хаяж 3-4 дахин үнэтэй болно. Ж.Оджаргал, Т.Доржханд нар Монголыг, ядарсан монголчуудыг ингэж шулж байх ямар хэрэгтэй юм бэ. АТГ нь ажлаа хийдэг оронд бол Б.Найдалаа шорон. Энэ бол илтэд сонгуулийн мөнгөнд хариу барих шинжтэй клиентелизм байна.

Ялангуяа Ж.Оджаргалыг үнэхээр гайхах юм. Монголын баялгаас хэн хүнээс илүү их хүртэж, нүүрсний үнэ ийм өндөр үед хэдэн зуун сая долларын орлого олж байгаа хүн. Хятадууд манай хямд нүүрсээр үйлдвэрлэл эрхэлж ядуурлаас гарчихлаа. Ард түмнээ ажилтай байлгаж юу эсийг үйлдвэрлэж байна. Гэтэл энэ хүн улсын баялгаас олсон мөнгөө технологийн хөгжилд хийж улс орноо өөд нь татдаггүй юм гэхэд нэмээд нийтийн дэд бүтцээс сааж урагшаа урсгах гэж шүлэнгэтэх юм. Бирд юм уу. Урд данжаадуудын барьцаанд байдаг юм уу. Энэ байдлаараа улсыг урагшаа хөтлөөд дагаар орууллаа. Тэрний оронд өөрөө хоёр чихээ тушаавал нэр цэвэрсэн.

Хөөрхий монголчууд энэ үнэтэй схемийг сайн ойлгохгүй байх шиг байна. Оюу толгой хямд эх үүсвэрээс цахилгаан хэрэглэх тусам зардал хэмнэгдэж, нийт монголчуудад хүртэх ашиг өндөр болно. Цахилгаан үнэтэй байх тусам зардлаас цалинждаг менежерүүдийнх нь бонус нэмэгдэж, MCS-ийн орлого ч нэмэгдэж, манай улсын нийтийн ашиг хасагдана. Энэ бол Оюу толгойг тойрсон С.Баярцогт нарын анхлан зангидсан ханган нийлүүлэх явцуу сүлжээний үндсэн загвар юм. Энэ бол алт, зэс түүхэн дээд үнэ дээрээ буй энэ үед энэ оны эхний сарын байдлаар 5.5 тэрбум долларын орлого олчихсон уурхайгаас монголчууд бид олигтой юм олж долоож үзээгүй сууж байгаа үндсэн шалтгаан юм.

Энэ явцуу баянбүрдэд, улсын доторх улсад багтчихсан Артгаа тэргүүтэй хүмүүс аймар тархи угааж байна. Манай улс мандан бадарна гэнээ. Өөрсдийнх нь дэд улс Монголыг шулж, мандан бадрах тусам тийм төөрөгдөлд орж болох юм. Эрчим хүчний салбарынхан маргаашийн өөхнөөс өнөөдрийн уушиг гэж, өөрсдөө гүйцэтгэл авахын тулд амаа хамхиж байна. Н.Учралын кабинет ХҮН-ий гараар могой барьж дэндүү коррупт юм хийж байна. Ард түмний шударга ёсны эрэлтэд салаавч өгч байна. Манай ард түмэн хожуу ч гэсэн учрыг ухаж хужрыг тунгааж эргүүлээд салаавч байтугайг өгдөг шүү гэж энэ хүмүүст хэлэх байна" гэжээ.