Балбын Засгийн газар Эверестийн оргилын эко тэнцвэрт байдлыг хадгалах, хог хаягдлыг цэвэрлэх журам хэрэгжүүлж эхэлсний дагуу тус улсын арми цэвэрлэгээнд дайчлагджээ. Гималайн цэргийн баазын 10 гаруй алба хаагч өнгөрсөн амралтын өдрөөс эхлэн цэвэрлэгээ хийж эхэлжээ. Эхний ээлжинд 10 метр тонн хог хаягдлыг цэвэрлэх тооцоо гарсан бөгөөд армийн алба хаагчдад 18 шерпа дэмжлэг үзүүлэх юм байна.

Хог хаягдлаас гадна байрлалыг тодорхойлсон таван уулчны цогцосыг ч буулгахаар болжээ. Эверестийн оргилд 20-р зууны эхэн үеэс хойш 300 гаруй уулчин амиа алдсан судалгаа бий. Үүнээс хамгийн хөнөөлтэй жил нь 2023 он байсан бөгөөд нийт 12 уулчин амиа алдаж, таван хүн ор сураггүй болсон байна. Балбын засгийн газар хэдэн мянган доллароор ууланд авирах зөвшөөрөл олгож, улсын төсөвт төвлөрүүлдэг. Өнгөрсөн жил тус улс нийт 450 уулчинд зөвшөөрөл олгожээ. Цаашдаа тус улс ууланд авирах зөвшөөрлийг чангатгах, тоог цөөлөх зорилт дэвшүүлжээ.