Алдарт “Уолт Дисней” компани Ойрх Дорнодод тэр дундаа Арабын нэгдсэн эмират улсын Абу Даби хотын Йас арал дээр байгуулагдахаар боллоо. Тус компани орон нутгийн Мирал компанитай хамтран уг бүтээн байгуулалтыг хийх юм. Йас арал нь нийт 25 хавтгай дөрвөлжин км бөгөөд Абу Даби хотоос 20 минут, нийслэл Дубай хотоос 50 минутын зайд оршдог аж. Уг аралд зөвхөн “Диснейн парк” байгаад зогсохгүй “Далайн ертөнц”, “Уорнер Брос Уорлд”, “Харри Поттер”-ын сэдэвчилсэн паркуудтай гэдгээ онцлог.

“Уолт Дисней” компанийн гүйцэтгэх захирал “сэтгэл хөдөлгөм, түүхийн шинэ хуудас нээгдсэн мөч” гэж дүгнэн хэлжээ.

Арабын нэгдсэн эмират улсад жил бүр 120 сая зорчигч хүлээн авдаг бөгөөд дийлэнх нь Абу Даби болон Дубай хотоор аялдаг байна. Хамгийн гол нь тус улс дэлхийн хүн амы гуравны нэг нь ердөө дөрөвхөн цаг нисэж очих “аялал жуулчлалын чухал гарц” юм.

“Уолт Дисней” компаний хамгийн сүүлд 2016 онд БНХАУ-ын Шанхай хотноо парк нээж, энэ нь ашиг орлогоороо тэргүүлж байна. Ташрамд дурдахад “Уолт Дисней” компани 1955 онд анхны паркаа нээж байсан бол 1983 онд Токио хотод олон улсын анхны паркаа нээж байсан түүхтэй.