Америк-Хятадын худалдааны дайн алтны ханшийг дахин өсгөж, түүхэн дээд амжилт тогтоогоод байна. Лхагва гарагийн арилжаагаар алтны спот ханш унци нь 3340.80 ам.долларт хүрчээ.

Орон нутгийн цагаар мягмар гарагийн өглөө АНУ-ын Ерөнхийлөгч Дональд Трамп бүх төрлийн чухал ашигт малтмалын импортын татварыг шалгах зарлиг буулгасан. Ингэснээр барууны улс орнуудын голлох түншүүд болон Хятадтай хийж буй худалдааны дайн улам хурцадсан юм. Шинжээчид үүнийг БНХАУ-ын засаг захиргааны бодлогын эсрэг хийж буй алхам гэж дүгнэж байна. Хөрөнгө оруулагчид алтаар баталгаажсан биржийн арилжааны сангуудад алт нөөцлөх нь нэмэгдэж, Тав банкнууд гулдмайн нөөцөө нэмэгдүүлж байгаа тул ойрын нэг улиралд алтны ханш өсөхөөр байна.

 Түүхий эдийн арилжааны FXTM судалгааны ахлах шинжээч Лукман Отунуга хэлэхдээ “Цаашид 3400, 3500 ам.долларт хүрч магадгүй. АНУ-Хятадын бодлого хэрхэн өөрчлөгдөхөөс шалтгаалан алтны борлуулалт нэмэгдэж мэднэ” гэжээ.

Доналд Трампын хоёр дахь бүрэн эрх эхэлснээс хойш түүний таамаглашгүй татварын бодлого түүхий эдийн ханшийн савлагаа үүсгэж байна. Ялангуяа алтны ханш нэг сарын дотор хэд, хэдэн удаа дээд амжилт тогтоогоод байгаа билээ.