Азийн хөгжлийн банк Монгол Улсын эдийн засаг энэ онд 6.6%, ирэх 2026 онд 5.9% өснө гэж таамаглалаа. Азийн хөгжлийн банкнаас эрхлэн гаргадаг Азийн хөгжлийн төлөв тайланд тэмдэглэснээр Монгол Улсын эдийн засаг 2024 онд саарсан ч ирэх жилүүдэд эдийн засгийн алгуур боловч өснө гэж дүгнэжээ.

Монгол Улсын эдийн засаг уул уурхай дээр тогтдогын хувьд Оюу толгойн зэсийн баяжмалын үйлдвэрлэл нэмэгдэж байгаа нь эдийн засаг өсөх гол шалтгаан гэж харж байна. Харин өнгөрсөн онд эдийн засаг саарсан нь зуд тохиож, малын зүй бус хорогдол ихэссэнтэй холбоотой гэж дүгнээд байна.

АХБ-ны Монгол дахь суурин төлөөлөгчийн газрын ахлах эдийн засагч Эдуард Фабер хэлэхдээ “Уул уурхайн салбар нь 2025, 2026 онд эдийн засгийн гол хөдөлгүүр хэвээр байх болно. Гэхдээ түүхий эдийн экспорт, ялангуяа нүүрснээс хамааралтай эрсдэл байсаар байна” гэжээ.

АНУ-аас ногдуулсан гаалийн татвар нь Монгол Улсад шууд нөлөөлөхүй ч Азийн хөгжлийн банкнаас БНХАУ-ын эрэлт саарах нь Монголын эдийн засагт шууд бус үр дагаварт хүргэж болзошгүйг анхаарууллаа.