Даваа гарагийн арилжаагаар алтны ханш унци тутамдаа 3100 ам.долларыг давж дээд амжилт тогтоолоо. Тухайлбал алтны спот ханш унци тутамдаа 3126.97 ам.долларт хүрсэн байна. Харин алтэы фьючерс ханш 3160.70 ам.долларт хүрчээ. АНУ-ын Ерөнхийлөгч Дональд Трампын тарифын бодлоготой холбоотойгоор хөрөнгө оруулагчид эрсдэл багатай алт авах нь нэмэгджээ. Он гарснаас хойш алтны ханш даруй 20 орчим хувиар өсөөд байна. Энэ нь 1986 оноос хойш байгаагүй өндөр өсөлт юм. Эдийн засагт тодорхойгүй нөхцөл байдал үүссэн үед арилжаанд оролцогчид алтан гулдмай авч нөөцөлдөг билээ.