Үндэсний статистикийн хорооны мэдээлэлд дурдсанаар оон гарснаас хойш эхний хоёр сарын байдлаар нүүрсний борлуулалт 42.7% унажээ. Үүний гол шалтгаан нь Хятадын зах зээлд нүүрсний эрэлт саарч, Монголоос татан авах нүүрсний хэмжээ болон үнэ буурсантай холбоотой аж. Цаашид АНУ-ын худалдааны дайн болон геополитикийн нөхцөл байдлаас шалтгаалан нүүрсний үнэ буурна гэдгийг шинжээчид анхааруулсаар буй.

Үндэсний статистикийн хорооны мэдээлснээр аж үйлдвэрийн слабарын борлуулсан бүтээгдэхүүн урьдчилсан гүйцэтгэлээр тайлант хугацаанд 7.1 их наяд төгрөгж болж, 12% буурчээ. Тэр дундаа уул уурхай олборлох салбарын борлуулалт өмнөх оны мөн үеэс даруй 20% буураад байна.

Ерөнхийлөгч хориг тавьж хоёр ч удаа хэлэлцсэн 2025 оны төсөвт нэг тонн нүүрсийг дунджаар 105 ам.доллароор экспортлохоор тооцсон. Одоогийн байдлаар нүүрсний экспортын ханш тонн тутамдаа 80 орчим ам.доллар байна. Эхний хоёр сарын байдлаар төсвийн орлого өмнөх оны мөн үеэс 22.9% буурчээ. Цаашид нүүрсний үнийн уналт урт хугацаандаа үргэлжилнэ гэж мэргэжилтнүүд анхааруулаад буй. Монгол Улсын Сангийн сайд Б.Жавхлан мэдээлэхдээ одоохондоо төсөвт тодотгол хийх нөхцөл бүрдээгүйг тодотгосон билээ.