Өмнөд Солонгосын Аж үйлдвэрийн яамны мэдээлснээс харвал Монгол Улстай газрын ховор элементийн салбарт хамтын ажиллагааг идэвхжүүлэхээр тохиролцжээ.

Монгол Улс, Өмнөд Солонгсотой 2023 онд энэ салбарт хамтын ажиллагааг эхлүүлэх хэлэлцээр байгуулж байсан бөгөөд Хово металийн хамтын ажиллагааны хамтарсан хорооны хурал өчигдөр Сөүл хотноо болсон байна. Өмнөд Солонгосын хувьд Монголын талаас газрын ховор элемент нийлүүлэх тогтвортой сүлжээтэй болохыг зорьж байгаа юм.

Хоёр тал энэ оны 11-р сар гэхэд хамтын ажиллагааны нэгдсэн төв байгуулахаар тогтож, шаардлагатай тоног төхөөрөмжийг суурилуулахаар зорьж байна. Хамтын ажиллагааны хүрээнд Монгол Улсын нутаг дэвсгэрээс газрын ховор элементийн орд илрүүлэх, тэр дундаа цагаан тугалганы уурхайг хамтарч хөгжүүлэхээр төлөвлөж байгаа юм.