Бразилийн прокурорын газраас экс Ерөнхийлөгч Жаир Болсонаруг төрийн эргэлт хийх замаар эрх мэдлээ хадгалахын тулд хэт барууны үзэлтнүүдтэй хуйвалдаан зохион байгуулсан гэх хэрэгт яллах дүгнэлт үйлдэн шүүхэд шилжүүлжээ. Шүүх хурлаар түүний гэм буруутай нь тогтоогдвол хэдэн арван жилийн хорих ял авч магадгүй юм. Бразилд одоо хүчин төгөлдөр үйлчилж буй хуулиар дээрх зүйл ангийн ял нь 34-43 жилийн хооронд хэлбэлзэж байгаа юм.

Энэ талаар Жаир Болсонару хэлэхдээ “Би санаа зовохгүй байна. Учир нь намайг огт болоогүй зүйлд буруутгаж байгаа учраас тэр” гэсэн байна. Прокурорын зүгээс хуйвалдааныг зохион байгуулсан тухай 272 хуудас тайлан бэлдэж, ойрын хүрээний зургаан хүнээр энэхүү хуйвалдаанаа зохион байгуулахыг оролдсон гэж дүгнэжээ.

Одоогоос гурван жилийн өмнө 2022 онд Бразилийн Ерөнхийлөгчийн сонгуульд Жаир Болсонару ялагдал хүлээсний дараа түүнийг дэмжигчид 2023 оны нэгдүгээр сарын 8-ны өдөр Төрийн ордон руу дайрч, эмх замбараагүй байдал үүссэн юм. Гол нь энэ үйл явдлыг Жаир Болсонару нарын хэд, хэдэн хүн зохион байгуулсан гэж прокурорын байгууллага үзэж байна. Бразилын Дээд шүүх түүнд холбогдох хэргийг энэ оны эхний хагаст багтан хэлэлцэхээр төлөвлөж байгаа ажээ.