АНУ-ын Дэд Ерөнхийлөгч Ж.Д.Венс Украины цэрэг дайны ажиллагааг зогсоох зорилготой энхийн хэлэлцээнээс ОХУ татгалзвал Украинд АНУ-ын цэрэг оруулж магадгүйг анхаарууллаа. Тэрбээр  Мюнхений аюулгүй байдлын уулзалтад оролцохын өмнө “Уолл Стрийт Жорнал”-д ярилцлага өгөхдөө “ОХУ энхийн хэлэлцээнээс татгалзвал бүх л төрлийн арга хэмжээ авах болно. Ялангуяа эдийн засаг, батлан хамгаалахын тодорхой шийдвэр хэрэгтэй. Бид энэ тохиолдолд Украинд цэрэг оруулах асуудлыг ч хөндөж болох юм” гэсэн байна.

АНУ, ОХУ-ын төрийн тэргүүн нар өнгөрсөн долоо хоногт утсаар ярьж Орос-Украины цэргийн ажиллагааг зогсоох энхийн хэлэлцээ эхлүүлэхээр төохиролсон юм. Саудын Араб улсад энэ асуудлаар эхний хэлэлцээ эхлэх товтой байна. Украины хувьд эзлэгдсэн газар нутгаа буцааж өгвөл хэлэлцээг хүлээн зөвшөөрнө гэдгээ илэрхийлсэн бол ОХУ-ын зүгээс эзлэгдсэн газар нутагтай холбоотой ямар нэгэн байр суурь илэрхийлээгүй юм. АНУ-ын Ерөнхийлөгч Дональд Трампын хувьд Украин улс буулт хийж, эзлэгдсэн газар нутагтай холбоотой маргаан дэгдээлгүйгээр энхийн замаар шийдвэрлэх ёстой гэж удаа дараа мэдэгдсээр байсан билээ.