Ажлын цагаар нэмэлт амрах хугацаа гаргаж өгвөл ямар ч хүн дуртай байх нь мэдээж. Гэхдээ танд гучин минутийн турш өөрийгөө “жаргаах” эрх өгвөл бүр ч гоё хэрэг биш үү? Тэгвэл Эрика Ласт Фильмз компани ажилтнуудадаа өдөр бүр гар хангалга хийх 30 минутийн амралт гаргаж өгдөг гэнэ. Захирал Эрика Ласт нь 2022 оны тавдугаар сараас хойш өөрийгөө таашаах хугацааг байгууллагын байнгын бодлогод оруулж, өнөөдөр ч амжилттай хэрэгжиж байгаа аж.

Шведийн Стокгольм хотод бизнес эрхэлдэг тэрбээр “насанд хүрэгчдийн инди кино театр” сэдэвтэй нэвтрүүлэг хийдэг бөгөөд компанидаа 40-өөс дээш насныхныг ажил авдаг онцлогтой. Эрика ажилтнууд төдийгөө өөрийгөө ковидоос улбаатай өдөр тутмын амьдралын саад тотгорт бухимдаж буйгаа анзаарснаар энэхүү хачирхалтай журмаа бодож олжээ.

“Цар тахлын жилүүдэд амьдрал хүнд ачаа болж хувирсан. Хүний анхаарал төвлөрөх чадвар суларч урьд өмнөхөөсөө илүүтэйгээр тэвдэнгүй болж ирсэн. Иймд ажилчдынхаа сэтгэл санааг өргөх, урам зоригийг сэргээх арга бодож олох хэрэгцээ гарснаар ийм шийдэлд хүрсэн” хэмээн Эрика блогтоо тайлбарлажээ. Түүний үзэж буйгаар ажлын байран дээр гар хангалга хийж, сэтгэл санаагаа тайвшруулах нь ажилчдын бүтээмжийг улам нэмэгдүүлж, ажлын төлөвлөгөө хугацаандаа биелж, уран бүтээлчдийн чөлөөт сэтгэлгээ улам задарсан үр дүн ажиглагдаж эхэлжээ.