АНУ-ын Ерөнхийлөгч Дональд Трампын сонгуулийн үеэр ярьж, амласан хамгийн чухал сэдвийн нэг нь трансжендэрүүдийн спортын оролцоотой холбоотой байсан. Тэрбээр Ерөнхийлөгчөөр сонгогдсон даруйдаа хүйсээ солиулсан эрчүүдийг бүхий л төрлийн спортын эмэгтэйчүүдийн төрөлд өрсөлддөг явдалыг таслан зогсооно гэж амласан. Тэгвэл, Д.Трамп хэлсэндээ хүрч “Эрэгтэйчүүдийг эмэгтэйчүүдийн спортоос холдуулах” захирамжид гарын үсгээ мутарлажээ. Ийнхүү захирамжилсны дараа Д.Трамп “Энэхүү шийдвэр хэрэгжиж эхэлснээр эмэгтэйчүүдийн спортод зарласан дайн дуууслаа” хэмээн зарласан байна.

Уг захирамж нь дотроо хоёр хэсэг буюу нэгдүгээрт, боловсролын хөтөлбөрт агуулагдсан бэлгийн ялгаварлалыг таслан зогсоох, хоёрдугаарт, холбооны засгийн газраас тэдгээрт холбогдох аливаа үйл ажиллагааг үл санхүүжүүлэх буюу холбооны зүгээс хувийн салбарын үйл ажиллагаанд хутгалдахыг хориглож байгаа юм. Захирамж хэрэгжиж эхэлснээр өмнөх Ерөнхийлөгч Ж.Байденийн 11-р Зүйл буюу Ерөнхий боловсролын сургуулиудад трансжендер сурагчдыг аливаа спортын тэмцээн, уралдаанд оролцохыг хориглох шийдвэрийг үл хэрэгсэх тухай тогтоолын хэрэгжилтийг хүчингүй болгож байна гэсэн үг.

Хэдийгээр албаныхан транжендэр эмэгтэйчүүдийн махбодын ажиллагаа нь төрөлхийн эрэгтэй хүний шинж чанарыг агуулдаг учир эмэгтэйчүүдийн спортод давуу тал олгож байгаа нь шударга бус явдал гэж үздэг. Гэхдээ зарим судалгааны дүнгээс харахад трансжендэрүүд спортын салбарт шууд болон шууд бус байдлаар эмэгтэйчүүдээс давуу байдал үүсдэггүй гэж тайбарладаг тул хүйсийн гэх дотодголтой энэ асуудал олон нийтийн дунд мөнхийн маргаантай сэдэв хэвээр байсаар байна.