Нийт 40,000 доллартай тэнцэх үнэтэй асар их хэмжээний өндөг хулгайлсан хэрэг АНУ-ын Пенсильвани мужийн Грийнкастльд өнгөрсөн 01-ний өдөр гарсан талаар орон нутгийн цагдаагаас мэдээлжээ. Пит ба Жерригийн Органик хүнсний дэлгүүрээс 100,000 ширхэг өндөг хулгайлсан нь өнөөдөр ч олны гайхашралыг төрүүлсээр байна. Ганцхан дэлгүүрт тийм их өндөг байсан гэхэд хэргийг мөрдөж байгаа цагдаа нарын ч санаанд багтахгүй байгаа гэж ярьжээ.

Хэргийн шалтгааныг АНУ-д дэгдээд байгаа тахианы ханиадаар тайлбарлаж байгаа бөгөөд хулгайч өндөг улам үнэд орохоос өмнө ахиухан нөөцлөхөөр төлөвлөсөн байж мэдэх юм.

АНУ-ын Засгийн газрын мэдээнээс харахад өнгөрсөн жил тус улсын хэмжээнд өндөгний ширхэгийн үнэ 65%-иар өссөн байна. Үнийн өсөлт цааш үргэлжилж, энэ онд дахин 20%-иар нэмэгдэнэ гэж хөдөө аж ахуйн салбарын мэргэжилтнүүд анхааруулж байгаа юм.

АНУ-ын хэмжээнд шувууны ханиад 2022 оноос хойш голомтлон тархаж эхэлсэн нь ийнхүү дэлгүүрийн лангуун дээрх өндөгний хангамж хомсдоход хүргэж, 2024 оны сүүл үед нэг сагс тахианы өндөгнхий дундаж үнэ 4.15 ам.долларт хүрчээ.