Мексикийн Ерөнхийлөгч Клаудиа Шайнбаум технологийн салбарын аварга мангас Гүүгл компанид захидал бичиж, тус компани АНУ-ын Ерөнхийлөгч Дональд Трампын тушаалыг Мексикийн булангийн нэрийг өөрчилж, Америкийн булан болгохыг эсэргүүцэж буйгаа илэрхийлжээ. Тэрбээр пүрэв гарагийн орой захидлаа сэтгүүлчдэд үзүүлж, “ Мексик улсын тухайд бид үнэхээр бүрэн тусгаар улс мөн гэж үү? Энэ бүс нь эргийн шугамаас 12 тэнгисийн бээрийн зайд оршдог, дэлхийн бүх улсад хамаарах хэсэг. Аль нэг улс энэ тэнгисийн хаа нэгтээх нэрийг нь өөрчлөх хүсэлтэй бол зөвхөн 12 тэнгисийн бээр хэсэгт л үйлчилнэ. Ялангуяа, Мексикийн булангийн тохиолдолд үлдсэнийг нь дур мэдэн сольж, өөрчлөх ёсгүй.” хэмээн эрс шулуухан ярьжээ.

Гүүгл компани өнгөрсөн даваа гарагт мэдэгдэл хийж, Гүүгл Мэпс дэх Мексикийн булангийн нэрийг өөрчилж, Америкийн булан болгосон нь зөвхөн Хойд Америкийн хэрэглэгчдэд л харагдана гэж зарлаж байсан. Хэрэв орон нутгийн Засгийн газар хэлэлцээд тухайн газрын нэрийг албан ёсоор өөрчилсний дараа л дэлхий даяар шинэчилсэн хувилбараар харагдах зарчимтай аж. Тэр болтол Мексикийн хэрэглэгчдэд Гүүгл Мэпс дээр Мексикийн булан гэсэн нэрийг харагдах бөгөөд дэлхийн бусад улсын хэрэглэгч дээрх хоёр нэрийг хоёуланг нь зэрэг харагдах юм байна.