Дэлхийд алдартай Найзууд цувралын шүтэн бишрэгчдийн дотны танил Росс буюу Девид Швиммер залуухан амрагтайгаа болзоонд явж байгаад олны хараанд өртжээ. Өдгөө 58 настай Девид Швиммерийн болзоот бүсгүйг Элиана Жолковский гэдэг бөгөөд 29 настай аж. Олон насаар дүү Элиана нь Калифорнийн их сургуулийн Лос Анжелесийн салбарын анагаахын сургуулийн оюутнаас гадна сургуулийнхаа еврэйчүүдийн эрхийг хамгаалах хөдөлгөөний онц идэвхтэн юм байна. Тэрбээр 2024 онд Фокс Ньюзээр орж, их сургуулийн орчин дахь замбараагүй байдлын талаар асуудал хөндөж, олны анхаарлыг татсан гэнэ. Девид Швиммерийн хувьд 2010 онд эхнэр Жой Бакманаас салснаас хойш Жина Лий, Испани алдартан Карла Алапонт, Мили Авитал, дуучин Натали Имбруглиа зэрэг од эмэгтэйчүүдтэй нэр холбогдож байсан юм.