Гэрэл зургийн аппаратны анивчдаг гэрлээс болж, хоёр нүд нь сохорсон амьтны хүрээлэнгийн барын зовхийг оёж, амьдрах хугацааг нь уртасгах арга хэмжээ авчээ. Фирмин гэх бар анх 2019 онд Испанийн Ла Таньере амьтны хүрээлэнгийн амьтан хамгаалах газарт дүү Пам гэх бэрсийн хамт ирэхдээ л нүдний хараагаа 95%-иар алдсан байжээ. Үүнээс нь Францын амьтны хүрээлэнд байхдаа бар үзэж, сонирхсон жуулчдын гэрэл зургийн аппаратны анивчдаг хурц гэрлийн нөлөөгөөр хараа нь эрс муудсаар 2021 онд эхний хагалгаанд орж, өрөөсөн нүдээ авахуулсан бөгөөд саяхан үлдсэн нэг нүдний даралт хэт их өссөн тул мөн адил авах шаардлагатай гэсэн дүгнэлтийг малын эмч нар гаргажээ. Ингээд өнгөрсөн 15-ны өдөр хоёр дахь нүдийг нь авснаар зовхийг нь хааж, оёх шаардлагатай тулгарсан байна. Үгүй бол нүдний ухархайгаар дамжин гадны биет халдварлаж, амь насанд нь аюул учрах эрсдэлтэй гэнэ. Фимрин бард тохиолдсон харамсалтай явдалаас сургамж авч амьтны хүрээлэнгийн амьтдын зургийг авахдаа аль болох анивчдаг гэрлээ ашиглахгүй байхыг амьтан хамгаалагчид анхааруулж байна.