Хар тамхины хэрэгт холбогдож, урлагийн тайзнаас бараг арчигдсан БигБэнг хамтлагийн дуучин ТОП саяхан Нетфликсийн “Squid Game” цувралын хоёрдугаар улирлын Таносын дүрээрээ дахин гарч ирсэн. Гэхдээ тэрбээр өчигдөр хамтлагийнхаа нөхдөд хандан чин сэтгэлийн үгээ хэлж, уучлалт гуйсан байна. Амьдралынхаа 30-аад насанд ухаан бодлогогүй явж, өөрийнхөө ч, нөхдийнхөө ч, харьяалагддаг энтертайнментийнхаа ч нэр төрийг ихээр сэвтүүлсэндээ харамсаж буйгаа хэлээд дахин тийм алдаа хийхгүйн тулд хамтлагаасаа, энетертайнментаасаа нэг мөсөн гарсан шийдвэрийнхээ талаар ч тайлбарлажээ.

Түүний уучлалт гуйсан мэдэгдлээс сийрүүлбэл:

“Чин үнэнийг хэлэхэд, би гучаад насаа тэнэг өнгөрөөжээ. Алдар нэртэй, онгироо, ойворгон, бодлогогүй. Маш олон алдаа хийж, БигБэнг хамтлагийн нэрийг ихээр унагаж, өмнөх компаниа ч гомдоосон. Ийм болохоор гэмшиж, олон жилийн өмнө хамтлагаасаа гарахаар шийдсэн юм. Агентлагтаа ч, нөхдөдөө ч дахин хохирол учруулахыг хүсээгүй.

Одооноос би ганцаарчлан замнал хөөвөл зөвхөн өөрийнхөө амжилт, уналтыг хариуцна. Шүүмжлэл ирвэл ганцаараа л нүүр тулна. Харин хамтлагтаа эргэж орвол миний хийх алдаанууд шууд хариуцлага хүлээхгүй ч гэлээ тэдэнтэй холбогдоно. Ийм явдал яав ч байж болохгүйгээс гадна давж гарахад ч надад хэцүү байх нь мэдээж.

Ийм учраас би гарахаар шийдсэн, энэ шийдвэртээ олон жил баттай явж ирлээ. Гэсэн хэдий ч, манай хамтлагийг эргэн нэгдэхийг хүссэн шүтэн бишрэгчдийнхээ сэтгэгдэлүүдийг харсан болохоор БигБэнгийг эргэн бүрэн бүтэн болохыг ямар ихээр мөрөөддөг тэднийг харахад сэтгэл минь өвдөж байна.”