XVII жарны "Буян үйлдэгч" хэмээх усан бар жилийн хаврын тэргүүн сарын цагаан сарын баярт зориулсан улс, аймгийн алдар цолтой 256 бөхийн барилдаан эхэлж байна. Монголын үндэсний бөхийн холбоноос уг барилдаанд аварга Н.Батсуурь, арслан Р.Пүрэвдагва нарыг барилдуулахгүй байх шийдвэр гаргасан. Уг нь тэдэнд оногдуулсан сэргээшийн шийтгэлийн хугацаа дууссан. Гэвч нэр бүхий бөхчүүд Үндэсний бөхийн холбоо бөхчүүдэд сэргээшийн шийтгэл оногдуулахдаа  харилцан ялгавартай хандаж байгааг шүүмжлэл барилдахаас татгалзах болсон юм. Харин аварга Н.Батсуурь өчигдөр "Сар шинийн барилдаанд зодоглоно" хэмээн цахим хуудсаараа дамжуулан мэдэгдээд байгаа. Түүнд Монголын үндэсний бөхийн холбооны зүгээс түүнд "Бүртгэх боломжгүй" гэсэн хариу өгсөн бөгөөд энэ талаар бөхийн холбооны тэргүүн Ц.Магалжав тайлбар хийжээ. Тэрбээр "Цагаан сарын битүүнд зориулсан бөхийн барилдаанд Н.Батсуурь аварга, Р.Пүрэвдагва арслан, Б.Бат-Орших гурав маань барилдахгүй. Сар шинийн барилдаан бол төрт ёсны барилдаан. Монгол түмний Сар шинийн битүүний барилдаан нь бэлгэдлийн барилдаан байдаг учраас бид бүхэн ойлголцсон. Н.Батсуурь аварга надтай холбогдож, ярьсан. Дараагийн барилдаанд оролцоод явахыг зөвшөөрч, "Тэргүүлэгчдийн хурлаараа шийдвэр гаргаад өгөөсэй" гэх хүсэлтийг тавьсан. МҮБХ-ны тэргүүлэгчид нэгдүгээр сарын 21-ний өдрийн хурлаар энэ удаагийн барилдаанд дээрх нэр бүхий бөхчүүдийг оруулахгүй байя гэж шийдсэн" гэсэн тайлбарыг өгөөд байна.