Онц халдвартай улаанбурхан өвчин Монгол Улсын хэмжээнд нэлээд намжмал байдалтай байсан өнгөрсөн долоодугаар сарын сүүлээр сэжигтэй тохиолдол илэрч, улмаар лабораторийн шинжилгээгээр мөн болох нь батлагдсан харамсалтай тохиолдол бүртгэгдэж, эмч мэргэжилтнүүдийн зүгээс уг өвчин тархах эрсдэл “Дунд зэрэг” хэмээн дүгнэж, анхааруулга, зөвлөмж тараасан билээ.

Гэтэл сүүлийн жилүүдэд дэлхийн олон оронд уг өвчний тархах тохиолдолд нэмэгдсэн талаар ДЭМБ-аас мэдээлжээ. Дээр дурдсан өвчтөн Монгол Улсад ирэхээсээ өмнө АНУ, Казакстан зэрэг улсаар зорчсон гэж мэдүүлжээ. Тэгвэл АНУ нь 2000 оны эхээр улаанбурхан өвчин устсан гэж мэдэгдэж байсан ч сүүлийн арав гаруй жил үе, үе давтан тархдаг болсон нь тус улсын албаныхны сэтгэлийг зовоох болжээ. Хэдийгээр энэ өвчин устсан гэж мэдэгдсэн боловч эцэг эхчүүд хүүхдээ вакцинжуулах нь эрс буурснаас дахин сэдэрсэн байж магадгүй гэж АНУ-ын Өвчнөөс урьдчилсан сэргийлэх, хянах газраас мэдээлжээ. Мөн тус улсын иргэдийг сонор сэрэмжээ өндөрсгөж, эрүүл ахуйн урьдчилан сэргийлэх сахилга батаа сайжруулахыг зөвлөжээ.

Зөвхөн АНУ-гаар ч тогтохгүй Их Британи дэлхийн олон оронд улаанбурхан өвчний тархах тохиолдол огцом өссөн талаар ДЭМБ дахин, дахин мэдээлж, анхааруулга, зөвлөмж тараах болсон байна.

Энэ оны нэгдүгээр сараас долоодугаар сарын дунд үе хүртэл ДЭМБ-ээс явуулсан тандалтаар Ирак, Казакстан, Этиоп, Пакистан зэрэг улсад улаанбурхан өвчний батлагдсан тохиолдол хамгийн өндөр байна. Доорх хүснэгтэд онц халдварт улаанбурхан өвчний халдвар хамгийн өндөр 10 улсыг харууллаа: