Үндэсний статистикийн хорооны мэдээллээс харвал өнгөрсөн тавдугаар сарын байдлаар Улаанбаатар хотод орон сууцны үнэ өмнөх оны мөн үеэс 11.9% өссөн дүн гарчээ. Харин өмнөх сарынхтай харьцуулахад 1.3% өссөн байна. Ийнхүү орон сууцны үнэ сүүлийн гурван сарын хугацаанд огцом өссөн нь энэ юм. Ялангуяа зах зээлд хуучин орон сууцны үнэ эрс нэмэгдээд байна. Сүхбаатар дүүрэгт хуучин орон сууцны  нэг м.кв талбайн дундаж үнэ 4.6 сая төгрөг байгаа бол Сонгинохайрхан дүүрэгт хамгийн бага буюу 2.7 саяг төгрөгийн үнэтэй байгаа ажээ. Үүнээс харахад хуучин орон сууцны үнэ жилийн өмнөхтэй харьцуулахад бараг хоёр дахин өссөн байна.

Харин шинэ орон сууцны үнэ дөрөвдүгээр сартай харьцуулахад тавдугаар сард 3.5% буурсан дүнтэй байна. Үнийн хувьд шинэ орон сууцны нэг м.кв талбай 2.8-4.02 саяд хэлбэлзэж байгаа юм. Байршлын хувьд Баянгол, Хан-Уул дүүрэгт шинэ орон сууцны нэг м.кв талбайн үнэ 4.17 сая төгрөг буюу хамгийн өндөр үнэтэй байна.