Саяхан хүн төрөлхтөн шинжлэх ухааны ололт, нээлтээр үсрэлт хийж, хар нүхэн дотор юу байдгийг тогтоож, дэлхий дээрх найм дахь тив, басхүү Хойд Америкт Их нууруудыг нэгтгэснээс том хэмжээний нуур байгааг олж илрүүлсэн гээд төрөл бүрийн шуугиан тасраагүй. Тэгвэл эрдэмтэд дахин нэг томоохон нээлт хийсэн нь саяхныг хүртэл үнэмшилгүй санагдаж байсан. Энэхүү эрүү мултлам нээлт нь хамгийн сонирхолтой бөгөөд яг бидний хөл доор, дэлхийн царцдаст асар том далай байна гэнэ. Ойролцоогоор газрын гадаргаас 720км-ийн гүнд хад чулуун дунд усны асар их нөөц байгаа аж. Эл гайхам нээлт нь бидний дэлхийн цикл болон түүний геофизикийн нарийн ойлголтыг өөрчилж мэдэхээр байна. Өмнө нь газар доорх аварга далайн талаарх таамгийг эрдэмтэд дэвшүүлсэн ч тодорхой мэдэхгүй байлаа. Усны шинж чанарын тухайд бидний мэдэх шингэн, хатуу, хийн төлөвт бус дөрөв дэх төлөв буюу загварчилбал хөөснөг хооронд оршдог гэнэ. Нээлтийн талаар хамгийн анх доод давхаргын орой дахь үсгүй орчин хайлсан нь гэх нийтлэлд дурдаж байсан байна. Геофизикч Стив Жекобсений ахалсан судалгааны үр дүнд газрын гүн дэх усны зураглалыг гаргажээ. Тэдний тооцоолж буйгаар дэлхийн царцдас хооронд орших асар том далай нь дэлхийн гадарга дээрхээс гурав дахин их ус агуулж байх боломжтой.