“Эрдэнэс Тавантолгой” ХК-ийн борлуулалт, уурхайн ачилт, тээвэр логистикийн зохион байгуулалтыг сайжруулжээ. Нүүрсний экспортыг нэмэгдүүлэх арга хэмжээ авч хэрэгжүүлсний үр дүнд 2025 оны 12 дүгээр сарын 20-ны өдөр компани байгуулагдсанаас хойш 15 жилийн хугацаанд уурхайн өдрийн ачилтын түүхэн амжилтыг 1170 тээврийн хэрэгсэлд 159,029.95 тонн болгон шинэчлэн тогтоолоо.

Түүнчлэн Тавантолгой-Ханги чиглэлийн тээврийг эрчимжүүлж 2025 оны 12 дугаар сарын 18-ны өдөр 205 рейсээр 27,600.59 тонн нүүрс экспортолсон нь энэ оны хамгийн өндөр үзүүлэлт боллоо.

Ханги боомтоор энэ оны эхний хагаст 2657 рейсээр 334,489 тонн нүүрс экспортолсон бол өнөөдрийн байдлаар хоёр дугаар хагаст 7399 рейсээр 973,678.11 тонн нүүрс экспортолж 3 дахин нэмэгдүүллээ.