Монгол-Хятадын хамтарсан “Талын түнш-2024”  цэргийн сургууль  эхэлснийг Хятадын Үндэсний батлан хамгаалах яамнаас мэдээллээ. Хоёр талын армийн жил бүрийн хамтын ажиллагааны төлөлөгөөнд багтсан энэхүү сургууль Дорноговь аймагт тавдугаар сарын сүүл хүртэл үргэлжлэх юм. Энэ удаагийн сургуульд БНХАУ-ын төрөл бүрийн зэвсэг, хуягт тээвэрлэгч бүхий батальоны хэмжээний хүчийг илгээжээ.

Энэхүү цэргийн сургууль нь  хоёр улсын хууль бус зэвсэгт бүлэглэлтэй тэмцэхэд чиглэсэн анхны хамтарсан сургууль болж байна. БНХАУ-ын хоёр ч томоохон хэвлэл мэдээллийн хэрэгсэлд дурдсанаар Хятад, Монголын армийн стратегийн түншлэл, ажил хэрэгч хамтын ажиллагааг улам гүнзгийрүүлж, бүс нутгийн энх тайван, тогтвортой байдалд эерэг хувь нэмэр оруулахыг онцлон тэмдэглэжээ.