Нийгэм

СБД-ийн залуучуудын волейболын тэмцээний аваргууд тодорлоо

2024/04/29
 
Монгол Улсад орчин цагийн спорт, нийтийн биеийн тамир үүсэж хөгжсөний 100 жилийн ойг угтаж Сүхбаатар дүүргийн залуучуудын дунд таван төрөлт тэмцээнийг зохион байгуулж байгаа. Тэмцээний нээлтийн ажиллагаанд нийслэлийн ИТХ-ын төлөөлөгч, Сүхбаатар дүүргийн Засаг дарга Х.Болормаа, Биеийн тамир спортын хорооны дарга Б.Мөнх-Эрдэнэ нар оролцов. Залуучуудын тэмцээнийг Засаг дарга нээж хэлсэн үгэндээ “Салбарын түүхэн ойг тохиолдуудан залуусынхаа дунд спорт тоглоомын төрлүүдийг сонгон таван төрөлт тэмцээнийг зохион байгуулж байна. Бид дүүргийн 2024 оны төсөвтөө нийт 3га газарт олон улсын жишигт нийцсэн Спорт цогцолбор барихаар санхүүжилтийг тусгасан. Газар чөлөөлөлт ерөнхийдөө дууссан, тун удахгүй барилгын ажлыг эхлүүлнэ. Энэ цогцолбор нь спортын сургалт, дасгалжуулалт, тэмцээн зохион байгуулах дэлхийн стандарт бүхий танхимуудтай залуусын зорих дуртай томоохон бүтээн байгуулалт байна гэдгийг онцолъё” гэв.
Дартс, 3х3 сагсан бөмбөг, волейбол, хөлбөмбөг, сагсан бөмбөг гэсэн спортын 5 төрлөөр зохион байгуулж энэхүү тэмцээнд дүүргийн 1-20 дугаар хорооны 18-42 насны залуус хурд хүч, авхаалж самбаагаа сорьж байна. Өнгөрөгч амралтын өдөр болсон волейболын тэмцээнд эрэгтэй, эмэгтэй нийт 22 багийн 200 гаруй тамирчин ур чадвараа сорин өрсөлдөв. Тэмцээний эрэгтэй төрөлд,
I байр Л.Мөнхтүвшин Засаг даргатай 14 дүгээр хороо
II байр Х.Батжаргал Засаг даргатай 11 дүгээр хороо
III байр Н.Мөнхтогтох Засаг даргатай 13 дугаар хороо
Эмэгтэй,
I байр Л Х.Батжаргал Засаг даргатай 11 дүгээр хороо
II байр Ц.Цогт-Од Засаг даргатай 18 дугаар хороо
III байр Г.Өнөртүвшин Засаг даргатай 9 дүгээр хороо тус тус эхний байрыг эзэлж, цом, өргөмжлөл, мөнгөн шагналаар шагнуулав.

Холбоотой мэдээ

Аюулт үзэгдэл, ослын 65 удаагийн дуудлага бүртгэгдлээ
Улаанбаатар хотын Нийтийн төв номын сан Пусан хотын номын сантай хамтын ажиллагааны санамж бичиг байгууллаа
“Эрдэнэс Тавантолгой” ХК 32 мянган тонн баяжуулсан сул коксжих нүүрс арилжлаа

Сэтгэгдэл бичих

Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд SHUGELULEEGCH.mn хариуцлага хүлээхгүй.
Сэтгэгдэл 0