Нийгэм

Чингэлтэй дүүргийн 300 айл ногоон халаалтын системд холбогдож эхэллээ

2025/10/31
Нийслэлийн агаарын бохирдлыг бууруулах зорилгоор Чингэлтэй дүүргийн Засаг даргын Тамгын газар, Голомт банк болон Эко Сквер Энержи ХХК хамтран гэр хорооллын айл өрхүүдэд гадна агаарыг дулаан болгон хувиргадаг эрчим хүчний хэмнэлттэй төхөөрөмж суурилуулах төслийг хэрэгжүүлж эхэллээ.
 
Энэхүү ажил нь аж ахуйн нэгжүүд нийгмийн хариуцлагын хүрээнд татварынхаа 1 хувийг нийслэлийн дэд бүтэц, байгаль орчны бодит төслүүдэд зарцуулах боломжийг олгодог “1 хувийн хөнгөлөлтийн хууль”-ийг хэрэгжүүлсэн нийслэлийн анхны жишээ болж байна.
 
Төслийн хүрээнд агаарын бохирдлын түвшин өндөртэй бүсэд байрлах 300 хүртэлх айл өрхийг ногоон халаалтын шийдэлд хамруулах юм. Ингэхдээ өөрсдийн зардлаар гэрээ бүрэн дулаалсан буюу “дулаан алдалтгүй гэр” батламж авсан айлуудад төхөөрөмж суурилуулах юм. Одоогоор эхний ээлжийн айлууд төхөөрөмжөө хэрэглээд хэвшжээ.
 
Агаараас дулаан ялгаруулдаг уг төхөөрөмж нь уламжлалт цахилгаан халаагуураас 3.6-3.8 дахин бага цахилгаан хэрэглэдэг, урсгал зардал багатай, байгальд ээлтэй технологи гэдгээрээ онцлогтой юм.
 
Ийнхүү Чингэлтэй дүүрэг 1 хувь хөнгөлөлтийн хуулийн хүрээнд хэрэгжүүлсэн анхны төслөөрөө утааг бууруулах, ногоон шийдлийг түгээн дэлгэрүүлэх шинэ жишгийг нийслэлд эхлүүллээ гэж Чингэлтэй дүүргийн ЗДТГ-аас мэдээллээ.  
 

Холбоотой мэдээ

Сар шинийн баярыг угтсан бүх нийтийн их цэвэрлэгээгээр 2514.5 тонн хог хаягдлыг цэвэрлэлээ
Ардын багш Д.Сэрээтэрт Хөдөлмөрийн баатар цол хүртээлээ
ЦЕГ: Өнгөрсөн долоо хоногт 45,800 хэрэгт мөрдөн шалгах ажиллагааг явуулжээ

Сэтгэгдэл бичих

Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд SHUGELULEEGCH.mn хариуцлага хүлээхгүй.
Сэтгэгдэл 0