Улаанбаатар хотын хэмжээнд үйл ажиллаагаа явуулж буй ШТС-уудын нөхцөл байдлын талаар Аж үйлдвэр, эрдэс баялгийн яамнаас мэдээлэл өглөө. Тодруулбал, нийслэлийн хэмжээнд 2025 оны аравдугаар сарын 27-ны 12:00 цагийн байдлаар:

Сүхбаатар боомтоор 2025.10.25-ны өдөр 24 вагон, 10.26-нд 29 вагон, 10.27 нд 23 вагон нийт сүүлийн 3 өдөрт 76 вагон Аи-92 автобензин орж ирсэн.

10 дугаар сарын 27-ны өдрийн өглөөний 08:00 цагийн байдлаар УБТЗ-ын хэмжээнд нийт 53 вагон Аи-92 байна.

Үүнээс:

Агуулах бүхий буух өртөө буюу Толгойт өртөө – 26,

Аршаант – 4 вагон ирээд байгаа бол галт тэргэнд,

Улаанбаатар өртөө рүү -5,

Рашаант өртөө рүү- 4,

Толгойт өртөө рүү-4,

Дархан өртөө рүү-5,

Сайншанд өртөө рүү -5 вагон нийт 27 вагон буух өртөөдийг чиглэн явж байна.

ОХУ аас 10 дугаар сарын 25-нд 50, 26 нд 79, 27 нд 61 вагонцистерн АИ-92 ачигдсан мэдээ ирүүлээд байна.

Улаанбаатар хотын хэмжээнд нийт 282 орчим шатахуун түгээх станц (ШТС) бүртгэлтэй байгаагаас импорттой Петровис, Шунхлай, Сод монгол, Тэс петролиум, Монсуль, Газ ойл, Синчи ойл, Тод петролиум зэрэг ААН-үүдийн 232 ШТС байна. Эдгээр ААН-үүдээс ШТС-ын нөхцөл байдлын талаар мэдээллийг авахаар холбогдож байгаа ба 10 дугаар сарын 27 -ны өглөөний 12:00 цагийн байдлаар ААН-үүдээс дараах мэдээллийг ирүүлээд байна. ​

Өчигдөр орой хэвийн олгож байсан 185 ШТС-ын нөөц багассан болон үлдсэн олгохгүй байсан ШТС руу нэмэлтээр өнөө өглөө 6 компанийн 140 ШТС-д орлого хүргэхээр агуулахаас гарсан эхнээсээ бууж байна.