Сүхбаатар дүүргийн Засаг даргын Тамгын газраас шинэ ургацын хүнсний ногооны “Алтан намар-2025” өргөтгөсөн худалдааг өнөөдөр Б.Цэрэндоржийн гудамжинд эхлүүллээ. Өргөтгөсөн худалдааг нээж дүүргийн Засаг даргын Тамгын газрын дарга Ө.Энхбаяр “Иргэддээ эх орны хөрсөнд ургасан амин дэмээр баялаг хүнсний ногоо, жимс жимсгэнийг тариалагчдын гар дээрээс нийлүүлэх зорилгоор энэ арга хэмжээг зохион байгуулж байна. Бидний урилгыг хүлээн авч Сэлэнгэ, Дархан, Ховд, Архангай, Өмнөговь аймгаас хүрэлцэн ирсэн ногоочид болон дүүргийн өрхийн тариаланчдадаа талархлаа илэрхийлье” гэв. Энэ жилийн өргөтгөсөн худалдаанд 20 гаруй тариаланчид эх орны эрүүл хөрсөнд тарьж ургуулсан төмс, хүнсний ногоо, жимс жимсгэнийг худалдаалахаас гадна нийслэлийн тариаланчдын хүлэмжинд ургуулсан төрөл бүрийн нарийн ногоо өргөн сонголттой байна.