Бүгд Найрамдах Хятад Ард Улс (БНХАУ)-ын Чанчүнь хотноо 2025 оны 08 дугаар сарын 27-ноос 31-ний хооронд зохион байгуулагдах БНХАУ-Зүүн Хойд Азийн 15 дахь удаагийн экспо нээлтээ хийлээ. Экспод Хүнс, хөдөө аж ахуй, хөнгөн үйлдвэрийн яамны Төрийн нарийн бичгийн дарга Т.Жамбалцэрэн тэргүүтэй төлөөлөл оролцож, Монгол Улсын үндэсний үйлдвэрлэгч аж ахуйн нэгжүүдийн үйл ажиллагаатай танилцлаа.

Энэ жил 15 дахь удаагаа зохион байгуулагдаж байгаа Зүүн Хойд Азийн бүс нутгийн улс орнуудын эдийн засаг, худалдаа, хөрөнгө оруулалт, хамтын ажиллагааг өргөжүүлэх чухал талбар болж ирсэн бөгөөд энэ удаагийн экспод бүс нутгийн болон олон улсын 45 орны 3620 гаруй аж ахуйн нэгж оролцож байна.

Монгол Улсыг төлөөлж ноос, ноолууран бүтээгдэхүүн үйлдвэрлэгч үндэсний аж ахуйн нэгжүүд оролцож бүтээгдэхүүнээ олон улсын зах зээлд сурталчлах, хөрөнгө оруулалт, хамтын ажиллагааг өргөжүүлэх уулзалтууд хийж байна.