Улаанбаатар хотын хэмжээнд өнөөдрийн байдлаар 10 байршилд шугам сүлжээний ажил гүйцэтгэж байгаа бол 3 байршилд шугам сүлжээний ажил хийхээр төлөвлөж байна.

Шугам сүлжээний ажлыг нийтийн эзэмшлийн авто зам, тохижилт, ногоон байгууламжийг сэтэлж, сүвлэх байдлаар гүйцэтгэдэг учир иргэд та бүхэн хуваарьт ажлын төлөвлөгөөтэй танилцана уу.

Нийслэлийн хэмжээнд шугам сүлжээний ажил хийж буй байршлууд:

1. Сонгинохайрхан дүүргийн 20, 32 дугаар хороо, Товчооны зам дагуу цэвэр усны шугам татах ажил хийгдэж байна. Гүйцэтгэгчээр “Мапа иншаат вэ тижарет” ХК ажиллаж, дөрөвдүгээр сарын 10-нд ажлыг эхлүүлсэн бол долоодугаар сарын 9-нд дуусгахаар төлөвлөжээ.
2. Баянгол дүүргийн 20 дугаар хороо, Цагдан хорих 461 дүгээр ангийн баруун хойд талын замд хаягдал ус дахин боловсруулах ус дамжуулах шугам татах ажил хийгдэж байна. Гүйцэтгэгчээр “М си эс интернэйшнл” ХХК ажиллаж, тавдугаар сарын 20-нд ажлыг эхлүүлсэн. Шугам сүлжээний ажил үргэлжилж байна.
3. Хан-Уул дүүргийн 11 дүгээр хороо, Зайсангийн гудамж, Ази фармаас ХААИС-ын уулзварт гадна дулааны шугам татах ажил хийгдэж байна. Гүйцэтгэгчээр “Есөн талст оргил констракшн” ХХК ажиллаж, тавдугаар сарын 24-нд ажлыг эхлүүлсэн. Шугам сүлжээний ажил үргэлжилж байна.
4. Хан-Уул дүүргийн 18 дугаар хороо, Удирдлагын академийн гудамжид гадна дулааны шугам шинэчлэх ажлыг “Хангилцаг” ХХК гүйцэтгэж, ажлыг зургаадугаар сарын 16-нд эхлүүлсэн. Шугам сүлжээний ажил үргэлжилж байна.
5. Сонгинохайрхан дүүргийн 29 дүгээр хороо, орон сууцны хорооллын дундах авто замд халуун, хүйтэн усны шугам шинэчлэх ажил хийгдэж байгаа бөгөөд гүйцэтгэгчээр “Орон сууц, нийтийн аж ахуйн удирдах газар” ОНӨААТҮГ-ын ХҮТ-16 ажиллаж, зургаадугаар сарын 18-нд ажлыг эхлүүлжээ.
6. Баянгол дүүргийн 15 дугаар хороо, Энэбишийн өргөн чөлөө, Ачлал их дэлгүүрийн зүүн урд гадна дулааны шугам татах ажлыг “Хэмжилзүй” ХХК зургаадугаар сарын 27-нд эхлүүлсэн. Ногоон байгууламж дээрх худгийн ажил болон нэвтрэх суваг дотор шугам угсрах ажил хийгдэж байгаа.
7. Сүхбаатар дүүргийн 15 дугаар хороо, Дамбадаржаагийн гудамжаас урагш туслах замд гадна бохир усны шугам татах ажлыг Улаанбаатар хотын гэр хорооллыг хөгжүүлэх хөрөнгө оруулалтыг дэмжих хөтөлбөр төслийн нэгжээс гүйцэтгэж, зургаадугаар сарын 27-нд ажлыг эхлүүлсэн. Шугам сүлжээний ажил үргэлжилж байна.
8. Хан-Уул дүүргийн 22 дугаар хороо, Ар Зайсангийн гудамжид гадна дулааны шугам татах ажлыг “Мөнгөн тэнхлэг” ХХК долоодугаар сарын 6-ны өдрөөс гүйцэтгэж, авто зам сүвлэх ажил үргэлжилж байгаа.
9. Баянзүрх дүүргийн 41 дүгээр хороо, Энхтайваны өргөн чөлөө, Отгонтэнгэр их сургуулиас Жуковын хөшөө хүртэл буцаж эргэлт дээр гадна дулааны шугам татах ажлыг “МЭЗ” ХХК долоодугаар сарын 3-наас гүйцэтгэж эхэлсэн. Буцаж эргэх хэсэгт шугам сүлжээний ажил дууссан үргэлжилж байна.
10. Хан-Уул дүүргийн 21 дүгээр хороо, Наадамчдын зам, Нисэх гарден хотхоны урд гадна дулааны шугам татах ажлыг “Өү энд эй энержи” ХХК долоодугаар сарын 7-ноос гүйцэтгэж, авто зам сүвлэх ажил үргэлжилж байгаа.

Шугам сүлжээний ажил хийхээр төлөвлөж буй 3 байршил:

1. Хан-Уул дүүргийн 15 дугаар хороо, Махатма Гандийн гудамжид гадна дулааны шугам татах ажлыг “Түмэн их девелопмэнт” ХХК долоодугаар сарын 18-ны өдрөөс гүйцэтгэнэ.
2. Хан-Уул дүүргийн 11 дүгээр хороо, Богд уулын арын зам, Гантиг вилла хотхоны хойно гадна дулааны шугам татах ажлыг “Энерготех сервис” ХХК долоодугаар сарын 15-наас гүйцэтгэж эхлэх хуваарьтай байна.
3. Баянзүрх дүүргийн 16, 40 дүгээр хороонд халуун хүйтэн ус, дулааны 5 хос шугам солих ажлыг хийхээр төлөвлөж байгаа. Гүйцэтгэгчээр “Орон сууц, нийтийн аж ахуйн удирдах газар” ОНӨААТҮГ-ын ХҮТ-1 ажиллана. Шугам сүлжээний ажлын хугацаа тодорхойгүй байна.