Эрүүл мэнд

Нүд судлалын 10 эмч БНХАУ-д мэргэжлээ дээшлүүллээ

4 цаг 56 минут
Монголын улаан загалмай нийгэмлэг, БНХАУ-ын ӨМӨЗО-ны Улаан загалмай байгууллага хамтран Монгол Улсын зорилтот бүлгийн иргэдийн амьжиргаа, эрүүл мэндийг дэмжих чиглэлээр “Бүс ба зам” төслийг 2017 оноос хойш амжилттай хэрэгжүүлж байна.
 
Хамтын ажиллагааны хүрээнд жил бүр нүд судлалын эмч нар БНХАУ-д мэргэжил дээшлүүлэх сургалтад хамрагддаг.
 
Энэ жил Нүд судлалын 10 эмч Хөх хотын Чаожү нүдний эмнэлэг болон Вэньжоү хотын Анагаах ухааны Их сургуульд нэг сарын хугацаанд суралцаж, амжилттай төгслөө.
 
Сургалтын хаалтын ажиллагаанд БНХАУ-ын Улаан загалмай байгууллагын Гадаад харилцааны Дэд дарга Сун И болон Монголын улаан загалмай нийгэмлэгийн Ерөнхий нарийн бичгийн даргын орлогч Т.Баярчимэг нар оролцов.
 
Сургалтад, Улсын 2 дугаар төв эмнэлэг, Төмөр замын Нэгдсэн эмнэлэг, Солонго, Сөүл, Ихэр талст, Гэрэл эмнэлэг, Дорноговь, Орхон, Сүхбаатар, Ховд аймгийн Нэгдсэн эмнэлгийн эмч нар хамрагдаж мэргэжлээ дээшлүүллээ гэж Монголын улаан загалмай нийгэмлэгээс мэдээллээ. 

Холбоотой мэдээ

Хэнтий аймгийн Норовлин суманд гарсан ойн түймрийг бүрэн унтраажээ
Говийн бүсэд тулгамдсан дөрвөн чиглэлийн 33 төсөл, арга хэмжээ хэрэгжүүлнэ
Мега төслүүдэд дотоодын үйлдвэрлэгч компаниудтай хамтарч ажиллах талаар санал солилцлоо

Сэтгэгдэл бичих

Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд SHUGELULEEGCH.mn хариуцлага хүлээхгүй.
Сэтгэгдэл 0