Монгол Улсын хэмжээнд он гарснаас хойш эхний дөрвөн сарын байдлаар 45.26 мянган суудлын автомашиныг 435.2 сая ам.доллароор импортолжээ. Энэ нь хоёор жилийн өмнөхтэй харьцуулахад 2.4 дахин нэмэгдсэн үзүүлэлт болж таарч байна. Харин ачааны 8841 машин импортолсон нь өмнөх оны мөн үетэй харьцуулахад зургаан хувиар буурсан үзүүлэлт юм.

Гаалийн ерөнхий газрын мэдээллийг харвал дөрөвдүгээр сарын байдлаар импортоор худалдан авсан барааны үнийн дүн 3.5 тэрбум ам.доллароос давсан байна. Өнгөрсөн оны мөн үетэй харьцуулахад 3.9 хувиар өссөн үзүүлэлт гэсэн үг. Ийнхүү Монгол Улсын импортын үнийн дүн сүүлийн гурван жил тасралтгүй өссөөр байна.