Баатар эрс, тэнгэр бурхадыг дүрсэлсэн эртний Грекийн баримлууд өнөө цагт ч ур хийцээрээ гайхуулсаар байдаг. Цээж, хэвлийн хэсэг нь сийлсэн гэмээр өв тэгш булчинлаг дүрсэлсэн ч эр хүний бахархал болсон гол “юм”-ыг нь жижигхэн дүрсэлдэг. Урлаг судлаачид болон эртний Грекээр мэргэшсэн түүхчид энэ тал дээр тайлбар хийсэн байна. Жишээ нь, Афины Үндэсний археологийн музейн чухал үзмэрийн нэг, МЭӨ46 оны үеийн Посейдоны хөшөөг авч үзье. Орчин цагийн бялдаржуулах танхимын булчинлаг инфлюнсерүүдийг санагдуулам уран гоолиг энэ хөшөөний эрхтэн жаахан хүүхдийнх мэт жижигхэн. Баатар эрс, бурхад гэхээр харин ч том, том “юм”-тай баймаар даа, яг орчин цагийн киноны гол дүрийн баатрууд шиг.

Сайн эрчүүдийн эрхтэнг тийнхүү жижигхэн дүрслэх нь нэгдүгээрт харах талаасаа ч нүдэнд эвтэйхнээс гадна мэргэн ухаантай, цэвэр ариун сэтгэлтэй, журамт явдалтайг бэлгэддэг гэж түүхчид тайлбарлалаа. Харин том “юм”-тай эрийг дүрсэлсэн хөшөө дурсгал, ханын зурагтай таарвал хамгийн тэнэг, мунхаг, зүй бус явдалтай, “доодох”-оо захирч чадах ухаангүй муу эрийг дүрсэлсэн аж. Мэдээж хэрэг том эрхтэнг харахад ч эвгүй шүү дээ!