Нийгэм

СОГТУУРАХ, МАНСУУРАХ, ДОНТОХ ЭМГЭГТЭЙ ХҮНД ТУСЛАМЖ ҮЙЛЧИЛГЭЭ ҮЗҮҮЛЭХ "СЭРГЭЭН ЗАСАХ ТӨВ" БАЙГУУЛАХ АЖЛЫН ХЭСГИЙН АНХНЫ ХУРАЛ БОЛЛОО

2025/04/29
Хууль зүй, дотоод хэргийн сайдын 2025 оны 04 дүгээр сарын 22-ны өдрийн А/142 дугаар тушаалаар байгуулагдсан согтуурах, мансуурах, донтох эмгэгтэй хүнд эрүүл мэнд, нийгэм, сэтгэл зүйн тусламж үйлчилгээ үзүүлэх “Сэргээн засах төв” байгуулах ажлыг судалж, жишиг төв байгуулах үүрэг бүхий Ажлын хэсгийн анхны хурал өнөөдөр /2025.04.29/ боллоо.
Хурлын эхэнд Ажлын хэсгийн ахлагч бөгөөд Монгол Улсад Гэмт хэргээс урьдчилан сэргийлэх ажлыг зохицуулах зөвлөлийн Ажлын албаны дарга Л.Нямгэрэл дээрх үүргийг төлөвлөгөөний дагуу хэрэгжүүлвэл энэ 2025 онд багтаан жишиг төв байгуулна гэж онцоллоо.
Түүнчлэн ЭМЯ-ны Эмнэлгийн тусламжийн бодлогын газрын Анхан болон лавлагаа шатлалын тусламжийн хэлтсийн төрөлжсөн мэргэшлийн тусламж хариуцсан Ахлах шинжээч М.Оюунчимэг “Архинд донтох эмгэгийн тусламж үйлчилгээг өргөжүүлэх нь” сэдвийн хүрээнд танилцуулга хийж, хэлэлцүүлэг өрнүүллээ. Улмаар "Сэргээн засах төв" байгуулахад хийж хэрэгжүүлэх ажил, тусламж үйлчилгээний чанар хүртээмжийг сайжруулах, хүний нөөцийг нэмэгдүүлэх чиглэлээр гишүүдээс гарсан саналын дагуу Ажлын хэсгийн төлөвлөгөө боловсруулахаар боллоо.
Хуралд ХЗДХЯ, ЭМЯ, ГБХНХЯ, НЗДТГ, ЦЕГ, НЦУГ, СЭМҮТ, ХХҮЕГ, НГХУСАЗСЗ, Аддиктологийн төв, Баянзүрх, Налайх дүүргийн ЭМГ-ын дарга, төлөөллүүд оролцлоо.

Холбоотой мэдээ

Г.Занданшатар: Эдийн засгийн хөгжлийн зөвлөлийн дэвшүүлсэн асуудал яриа төдий үлддэг биш бодлого болж гарах учиртай
АТГ: Нийтийн албанд томилогдох 338 иргэний урьдчилсан мэдүүлгийг хянан шалгав
Монголбанк 7 дугаар сард 1186.2 кг үнэт металл худалдан авлаа

Сэтгэгдэл бичих

Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд SHUGELULEEGCH.mn хариуцлага хүлээхгүй.
Сэтгэгдэл 0